Tragjedi në Irlandë! Zjarri përfshin shtëpinë në Waterford, katër të vdekur, mes tyre dy fëmijë

Një burrë, një grua dhe dy fëmijë kanë vdekur, dhe dy fëmijë të tjerë janë plagosur rëndë pas një zjarri në Waterford City të Irlandës pak pas orës 5 të mëngjesit të martën, tha policia.

Ekipet e emergjencës u thirrën në pronën në zonën Birchwood të qytetit pak pas orës 5 të mëngjesit.

Në një deklaratë, një zëdhënës i Gardës Síochana tha se oficerët po shqyrtonin rrethanat e zjarrit fatal, duke shtuar: “Garda Síochana mund të konfirmojë se dy të rritur, një burrë dhe një grua, dhe dy fëmijë kanë vdekur. Dy fëmijë të tjerë janë larguar nga vendi i ngjarjes dhe po marrin trajtim spitalor”.

Në Stacionin e Policisë së Waterfordit është ngritur një qendër e posaçme për trajtimin e incidentit, ku janë caktuar një oficer i lartë hetimor dhe oficerë ndërlidhës për komunikimin me familjarët.

Ministri i Shtetit, John Cummins, dhe kryeministri Micheál Martin kanë shprehur ngushëllimet e tyre. Martin e cilësoi tragjedinë si një “situatë thellësisht shqetësuese”, ndërsa detajet rreth incidentit vijojnë të bëhen publike.

Duke folur përpara një mbledhjeje të kabinetit në Dublin, ai tha: “Mendimet dhe lutjet tona janë me të gjithë ata që kanë humbur jetën dhe me të gjithë ata që janë prekur nga kjo ngjarje.”