Tragjedi në Pehçevë: 66-vjeçari nga Cërniku humb jetën pasi traktori doli nga rruga
Aksidenti ndodhi mbrëmë në orën 21:30 në një rrugë të pakategorizuar në vendin e quajtur “Mushkovi Çeshmi”; trupi i viktimës u dërgua për autopsi me urdhër të prokurorit publik
Një 66-vjeçar nga fshati Cërnik i Pehçevës ka humbur jetën mbrëmë, pasi traktori me rimorkio që po drejtonte doli nga rruga, njofton MPB-ja, sipas raportimit të Centar.mk.
Aksidenti është raportuar mbrëmë në orën 21:30 në Stacionin Policor të Berovës. Ngjarja ka ndodhur në një rrugë të pakategorizuar në vendin e quajtur “Mushkovi Çeshmi”, në atarin e Pehçevës, ku traktori me targa të Pehçevës, i drejtuar nga 66-vjeçari M.P. nga Cërniku, ka dalë nga rruga.
Nga plagët e marra, 66-vjeçari ka ndërruar jetë në vendin e ngjarjes, ndërsa vdekjen e ka konstatuar një mjek i Ndihmës së Shpejtë Mjekësore, siç njofton edhe Fokus.
Këqyrjen e vendit të ngjarjes e ka kryer ekipi hetimor i Stacionit Policor të Pehçevës së bashku me prokurorin publik, me urdhër të të cilit trupi i të ndjerit është dërguar në Mjekësinë Ligjore për autopsi.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.