Trajneri i Portugalisë: Nuk kam asnjë dyshim se Bernardo Silva do të përshtatej te Barça

Bernardo Silva ende nuk e di se ku do të luajë sezonin e ardhshëm, siç pranoi vetë në orët e fundit. Kontrata e tij me Manchester City përfundon në qershor dhe nuk do të rinovohet. Mes ofertave që po shqyrton janë ato të Barcelonës dhe Atletico Madridit, ndërsa dëshiron të sigurohet se në klubin e ri do të ndihet i vlerësuar dhe i dëshiruar.

Për mundësinë e transferimit te Barcelona foli edhe trajneri i Portugalisë, Roberto Martínez, pas miqësores së fituar 2-1 ndaj Kilit: “Bernardo Silva është një lojtar kaq spektakolar sa mund të hyjë në çdo dhomë zhveshjeje të futbollit botëror. Ai mund të përshtatet me çdo sistem dhe stil loje, duke përmirësuar gjithçka rreth vetes. Nuk është çështje pozicioni, por inteligjence futbollistike dhe niveli teknik që ka. Nuk kam asnjë dyshim se do të përshtatej te Barça”.

Edhe vetë Silva komentoi interesimin e klubit katalanas: “Barça është një opsion, por ende nuk kam marrë vendim. Do të përpiqem të gjej një ekip ku më duan vërtet. Kjo është shumë e rëndësishme dhe, kur të vendos, të gjithë do ta mësojnë”. Mesfushori 31-vjeçar luajti pjesën e parë në fitoren e Portugalisë ndaj Kilit, në ndeshjen përgatitore për Botërorin 2026, që nis javën e ardhshme.