Trump: Do ta heqim Sirinë nga lista e terrorizmit

Presidenti i SHBA-së, Donald Trump, deklaroi se ka gjasa ta heqë Sirinë nga lista amerikane e shteteve që sponsorizojnë terrorizmin.

I pyetur nga gazetarët nëse do të marrë një vendim të tillë, Trump u përgjigj: “Mendoj se do ta bëj. Pse të mos e bëj?”, duke lënë të kuptohet se administrata e tij po shqyrton këtë hap.

Komentet u bënë gjatë një takimi me presidentin sirian, Ahmed al-Sharaa, në margjinat e samitit të NATO-s në Ankara.

Trump vlerësoi punën e al-Sharaa, duke thënë se ai ka bërë “një punë të shkëlqyer”, ndërsa shtoi se Siria është bërë “shumë e qëndrueshme”.

“Është stabilizuar vërtet dhe ne jemi krenarë për këtë”, deklaroi presidenti amerikan.