Trump: Iranit i është dashur shumë kohë për të negociuar, do ta paguajë çmimin

Presidenti i SHBA-së, Donald Trump përmes një postimi në Truth Social ka deklaruar se Irani do të paguajë çmimin pasi i është dashur shumë kohë për të negociuar një marrëveshje.

“Ushtria e Iranit është një rrëmujë e plotë. Pjesa më e madhe e saj, si Marina dhe Forcat Ajrore, nuk ekzistojnë më – Ata janë mposhtur plotësisht. Irani është vetëm fjalë dhe asnjë veprim. Ngacmuesi i Lindjes së Mesme ka VDEKUR!!! Ata kanë marrë shumë kohë për të negociuar një marrëveshje që do të kishte qenë e shkëlqyer për ta, tani do të duhet të paguajnë çmimin!!!” shkroi ai.

Trump nuk specifikoi se çfarë do të përfshinte “çmimi”, por kjo vjen pasi SHBA-të nisën një valë të re sulmesh kundër Iranit të martën, pasi një helikopter Apache i ushtrisë u rrëzua pranë Ngushticës së Hormuzit.