Trump: Mund ta mbyllim luftën me Iranin shumë shpejt, ose ta lëmë të shuhet vetë

Presidenti amerikan Donald Trump tha të premten se Shtetet e Bashkuara mund t’i japin fund luftës me Iranin shumë shpejt, por njëkohësisht vuri në pikëpyetje nëse Uashingtoni duhet të synojë një mbyllje të shpejtë të konfliktit apo ta lërë atë të shuhet gradualisht, siç njofton Reuters.

“Mund ta mbyllim shumë shpejt”, tha Trump. “A duam ta përfundojmë, apo thjesht duam ta lëmë të shuhet?” — shtoi ai, duke e lënë të hapur dilemën mes një përfundimi të shpejtë dhe një zbehjeje graduale të luftës.

Deklaratën presidenti e bëri duke folur me gazetarët në lëndinën jugore të Shtëpisë së Bardhë, teksa nisej për një udhëtim në Florida.

Trump theksoi gjithashtu se nafta po del përmes Ngushticës së Hormuzit. “Po marrim gjithçka që duam”, tha ai, duke e paraqitur situatën në ngushticë si në favor të Uashingtonit.