Tubim i madh zgjedhor në Kragujevac: salla “Jezero” mbushet, pritet fjalimi i Vuçiçit

Tubimi i madh parazgjedhor i listës “Aleksandar Vuçiç – Ujedinjena Srbija” nisi sot në orën 18:00 në sallën sportive “Jezero” të Kragujevcit, siç njofton agjencia serbe Tanjug. Qytetarë të shumtë mbushën sallën, ku valëviteshin flamuj tringjyrësh serbë, ndërsa pritet fjalimi i bartësit të listës, Aleksandar Vuçiç.

Sipas raportimit të Tanjug-ut, ndër folësit në tubim ishte Milenko Jovanov, i cili deklaroi se “na duhet dikush që ka treguar se di”, duke theksuar se qytetarët nuk kanë të drejtë të hyjnë në “aventurë me fund të pasigurt” dhe se rezultatet e Vuçiçit janë të qarta.

Po ashtu, siç njofton Tanjug, Arno Gujon bëri thirrje për më shumë unitet dhe për respektim të Kushtetutës e të institucioneve, duke kujtuar se nga Kragujevci vjen Kushtetuta e Sretenjes. Sipas tij, policia, ushtria dhe kisha kanë qenë nën sulme në periudhën e kaluar, ndërsa ai u bëri thirrje qytetarëve të dalin në votime.

Tubimi mbahet në kulmin e fushatës për zgjedhjet e parakohshme parlamentare të 25 tetorit, për të cilat Komisioni Republikan i Zgjedhjeve ka shpallur listën përfundimtare me 18 lista zgjedhore.