U kap me 297 doza heroinë dhe kokainë me qëllim shitjen, arrestohet 21-vjeçari në Durrës

Një 21-vjeçar ka rënë në pranga nga Policia e Durrësit pasi u kap me 297 doza të drogave të forta heroinë dhe kokainë.

Sipas raportimit të policisë, në pranga ka rënë J.K., 21 vjeç, i cili u kap në flagrancë në lagjen nr. 16, i cili mbante me vete dozat me qëllim shitjen e tyre.

Njoftimi i plotë i policisë:

Specialistët e Sektorit për Hetimin e Narkotikëve, në bashkëpunim me shërbimet e Forcës së Posaçme “Shqiponja”, në vijim të aksioneve policore kundër veprimtarive kriminale në fushën e narkotikëve, kanë evidentuar dhe goditur një tjetër rast të shitjes në doza, të drogave të forta.

Për rastin, në kuadër të operacionit të koduar “Pikat”, u arrestua në flagrancë, në lagjen nr. 16, shtetasi J. K., 21 vjeç, banues në Shkozet.

Këtij shtetasi iu gjetën me vete sasi të lëndëve të dyshuara narkotike Heroinë dhe Kokainë, të ndara përkatësisht në 129 dhe 168 doza, me qëllim shitjen.

Materialet procedurale iu referuan Prokurorisë, për veprime të mëtejshme