USAID dhe CBS, mbështetje 18 aplikimeve të fermerëve me vlerë 3 milionë dollarë

USAID dhe Creative Business Solutions po mbështesin 18 aplikime të fermerëve dhe agrobizneseve për grante të Skemës Kombëtare, me një total 3 milionë dollarë për financim grantesh.

Me anë të një postimi në faqen e “Facebook”, USAID-i thekson se kjo përbën gati 50% të vlerës totale prej 6.5 milionë dollarë të investimit.

Sipas USAID-it, fermerët do të kryejnë investime në ndërtimin e serave të reja, agropërpunuesit – në përmirësimin e linjave teknologjike, dhe konsoliduesit – në ndërtimin e depove e të pikave të shpërndarjes së produkteve bujqësore.