VARSHAVË – Polonia heziton të mbështesë paketën e re të NATO-s për Ukrainën

VARSHAVË, 3 korrik /ATSH-DPA/ -Kryeministri i Poland, Donald Tusk, deklaroi sot se vendi i tij do të tregojë rezervë ndaj planit të NATO për një paketë shumëmiliardëshe ndihme ushtarake për Ukrainëb, vetëm pak ditë përpara samitit të aleancës në Ankara.

Tusk theksoi se, në parim, Polonia mbështet ndihmën për Kievin. “Ukraina ka nevojë për mbështetje financiare”, u shpreh ai, por shtoi se prioriteti i Varshavës është mbrojtja e kufirit lindor të  Bashkimit Evropian.

Sipas tij, për shkak të presionit të vazhdueshëm në kufijtë me Bjellorusinë dhe Rusinë,  Polonia ka siguruar edhe përjashtime nga pakti i ri i BE-së për azilin.

Marrëdhëniet mes Polonisë dhe Ukrainës janë tensionuar së fundmi për shkak të mosmarrëveshjeve mbi çështje historike, duke rrezikuar të ndikojnë edhe në fusha të tjera të bashkëpunimit.

Ministri i Jashtëm polak Radoslaw Sikorski u takua sot në Varshavë me homologun e tij ukrainas Andrii Sybiha për të diskutuar gjendjen e marrëdhënieve dypalëshe. Pas takimit, ministri ukrainas nuk bëri deklarata për mediat.

Sipas burimeve, aleatët e NATO-s synojnë të miratojnë në samitin e Ankarasë një paketë ndihme ushtarake prej 140 miliardë eurosh për Ukrainën gjatë viteve 2026–2027.

Plani parashikon mbështetje prej 70 miliardë eurosh në vit për pajisje ushtarake, trajnim dhe asistencë, ku 60 miliardë euro do të financohen përmes një huaje të BE-së, ndërsa pjesa tjetër do të mbulohet nga buxhetet kombëtare të vendeve aleate.