Vatër zjarri pranë Fushës së Aviacionit në Gjirokastër, shuhet në kohë! Dyshohet për zjarrvënie të qëllimshme

Një vatër zjarri ka rënë mbrëmjen e sotme (8 shtator) në Gjirokastër.

Rreth orës 20:15 u njoftua për flakë pranë Fushës së Aviacionit.

“Menjëherë u nis në vendngjarje një automjet zjarrfikës me efektivë. Me mbërritjen, u konstatua se zjarri kishte rënë në një kanal, ndërmjet Fushës së Aviacionit dhe një parcele bujqësore, dhe po merrte përmasa”, tha policia.

Efektivët zjarrfikës ndërhynë menjëherë duke bërë të mundur izolimin dhe shuarjen e plotë të zjarrit. Falë ndërhyrjes në kohë, zjarri nuk shkaktoi dëme në pasuri apo në ambiente përreth.

Organet ligjzbatuese po punojnë për zbardhjen e shkaqeve dhe rrethanave të ngjarjes. Nga të dhënat paraprake, dyshohet se zjarri mund të jetë i qëllimisht.