Veseli pezullon nga seanca Ramush Haradinajn

Kryetari i Kuvendit, Kadri Veseli në mbështetje të ligjit dhe rregullores së Kuvendit ka përjashtuar nga seanca plenare edhe kryetarin e Alenacës për  Ardhëmrinë e Kosovës, Ramush Haradinajn, si dhe deputetët Besa Baftiju, Donika Kada – Bujupi, Haxhi Shala dhe Bali Muharremi.

“Pas përsëritjes së veprimeve të njëjta në vazhdimin e seancës plenare të Kuvendit e Kosovës, Kryetari i Kuvendit, në mbështetje të nenit 67.7 të Kushtetutës së Republikës së Kosovës dhe të nenit 41, paragrafi 3, pika c. të Rregullorës së Kuvendit, lidhur me sjelljen dhe veprimet e disa deputetëve të opozitës, në seancën plenare me 19 shkurt 2016, të cilët penguan zhvillimin e punimeve të seancës plenare, ka marrë vendim që deputetët e Kuvendit të Republikës së Kosovës, Ramush Haradinaj, Besa Baftiju, Donika Kada – Bujupi, Haxhi Shala dhe Bali Muharremi, të largohen nga pjesëmarrja në seancën plenare me 19 shkurt 2016 për shkak se me sjelljet dhe veprimet e tyre e pamundësuan zhvillimin e punimeve të seancës plenare” ,thuhet në njoftimin e Kuvendit të Kosovës/