Victoria Beckham nxjerr në shitje 600 veshje

Gjithçka ka lindur nga një udhëtim i ish-Posh Spice në shkurt të këtij viti në Afrikë, ku ka njohur Mitch Besser, themeluese e “mothers2mothers”, një organizatë jofitimprurëse për nënat e prekura nga virusi HIV.

“Mitch Besser është gruaja më e jashtëzakonshme që kam njohur. Kur u ktheva në shtëpi hapa gaderobën time dhe thashë çfarë mund të bëj?”, thotë Victoria Beckham. Ajo ka përzgjedhur 600 veshje nga garderoba e saj dhe ka menduar që t’i shesë, ku të gjithë të ardhurat do të shkojnë për rastin Besser.

Secila prej veshjeve është e lidhur me një moment të veçantë të Beckham, një fustan i një sfilate në Paris në 2007, një fustan që Victoria ka veshur gjatë një shfaqjeje teatri ku luante Kate Holmes në 2008, një fustan që ajo ka veshur në shopping në Nju Jork në 2012.

Gjithashtu, edhe fustani që ka veshur në takimin e parë me David do dalë në shitje. Blerja e veshjeve do të bëhet online përmes site “The Outnet” duke filluar nga 20 gushti.