Vijojnë tensionet në Kuvend, ndërpritet sërish seanca plenare

Pushimi prej 10 minutash nuk e ka qetësuar situatën në Kuvend. Deputetët e opozitës vijuan të mbanin të bllokuar foltoren e Kuvendit, duke mos lejuar vijimin e seancës sipas rendit të ditës.

Kreu i Kuvendit i bëri thirrje disa herë opozitës që të lironin foltore, por në mungesë të një veprimi të tillë, Peleshi vendoi sërish për ndërprerjen e seancës për 5 minuta të tjera, deri sa të lirohet foltorja.

Situata në Kuvend u tensionua pas rrëzimit të kërkesës së opozitës për ndryshimin e rendit të ditës dhe futjen e diskutimeve për ish-kreun e SHISH, Vlora Hyseni.