Vlorë, vetëvaret në paraburgim 30-vjeçari, kishte dhunuar bashkëshorten

Një i burgosur i ka dhënë fund jetës duke u vetëvarur në ambientet e paraburgimit në Vlorë. 30- vjeçari Ervis Hysi kishte përdorur një çarçaf për të kryer aktin ekstrem ndaj vetes dhe është gjetur i pajetë nga gardianët e burgut mbrëmjen e djeshme.

Ai ishte arrestuar më 13 maj të këtij viti pasi kishte ushtruar dhunë ndaj bashkëshortes së tij, A.H, 24 vjeçe dhe më pas e kishte braktisur në breg të një lumi. Çifti kishte edhe një fëmijë të mitur.