Von der Leyen të enjten në Prishtinë, takohet me Haxhiun dhe Kurtin
Presidentja e Komisionit Evropian nis të mërkurën turneun ballkanik me ndalesën e parë në Shqipëri; të enjten qëndron në Kosovë, ku takohet me U.D. presidenten Albulena Haxhiu dhe kryeministrin Albin Kurti.
Presidentja e Komisionit Evropian, Ursula von der Leyen, do të nisë të mërkurën e ardhshme, më 30 shtator, një turne disa-ditor në Ballkanin Perëndimor. Ndalesën e parë ajo do ta bëjë në Shqipëri, ku do të zhvillojë takime me presidentin Bajram Begaj dhe kryeministrin Edi Rama.
Menjëherë të nesërmen, të enjten më 1 tetor, von der Leyen do të qëndrojë në Kosovë. Sipas agjendës së bërë publike, në Prishtinë ajo do të takohet me U.D. presidenten Albulena Haxhiu dhe me kryeministrin Albin Kurti. Temat e diskutimeve nuk janë bërë të qarta ende.
Pas Kosovës, presidentja e Komisionit Evropian do ta vazhdojë turneun në Mal të Zi dhe do ta përmbyllë atë në Maqedoninë e Veriut. Siç bëhet e ditur, në agjendë nuk përfshihen Serbia dhe Bosnje e Hercegovina, të cilat do të anashkalohen për shkak të “zgjedhjeve të ardhshme” në këto dy vende.
Njoftimi për turneun u bë përmes zëdhënësit të Komisionit Evropian, Olof Gill, në raportimin ditor për media.
Burimi: Klan Kosova
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.