Vuçiç komenton vizitën e Ramës në Kosovë

Kryeministri serb, Aleksandar Vucic nuk ka folur gjatë për vizitën e kryeministrit të Shqipërisë Edi Rama në selinë e partisë së Ramush Haradinajt, AAK në Prishtinë, mirëpo ka thënë se Rama nuk duhet ta bënte këtë vizitë.

Vucic vuri në dukje se në Europë dhe në botë, kjo do të ngjallte reagim, shkruan b92, transmeton Gazeta Express.

“Nuk kam koment. Por imagjinoni nëse unë do kisha shkuar diku në rajon për të vizituar përfaqësuesit më ekstrem të partive serbe. Si do të reagonin Europa dhe bota”, ka thënë Vuçiç kur u pyet për të komentuar mbi vizitën e Ramës në selinë e AAK-së, partisë së Ramush Haradinajt.