Ylli i PL refuzon të transferohet te Real Madrid, nëse trajneri i ri do të jetë Jose Mourinho

Rikthimi i mundshëm i Jose Mourinho te Real Madrid, ka filluar që tani të shkaktojë pakënaqësitë e para, ende pa u zyrtarizuar. Sipas Fichajes, Enzo Fernandez i cili ka shprehur publikisht dëshirën për të jetuar në Madrid, duke nënkuptuar transferimin te “Los Blancos”, nuk do të vijë, në rast se trajneri i ri do të jetë Jose Mourinho.

Sipas burimeve të afërta pranë yllit argjentinas, ai ka frikë se konflikti i brendshëm që shpesh rrethon Mourinhon do të pengojë zhvillimin dhe ndikimin e tij në lojën e ekipit. Ndaj, refuzon të transferohet te Reali, nëse “The Special One” do të zyrtarizohet si trajneri i ri.

Kujtojmë se gjatë javës, legjenda e Real Madridit, Iker Casillas u shpreh publikisht kundër rikthimit të “The Special One” në Madrid. E gjithë kjo vjen për shkak të karakterit dhe natyrës së trajnerit portugez, i cili në kohën që drejtonte Real Madridin, u kthye në një problem madhor në Spanjë, për shkak të përplasjeve të vazhdueshme mes lojtarëve spanjollë të “Los Blancos” dhe atyre të Barcelonës, gjë që u reflektua edhe në ekipin kombëtar.