Zaharieva dhe Majk Pompeo ripohuan partneritetin strategjik midis Bullgarisë dhe SHBA-së

Zëvendëskryeministrja dhe ministre e punëve të jashtme Ekaterina Zaharieva dhe sekretari i shtetit i Shteteve të Bashkuara  Majk Pompeo shqyrtuan në një takim në Uashington zhvillimin pozitiv në marrëdhëniet midis të dyja vendeve dhe riafirmuan karakterin e tyre strategjik.

Ministrja Zaharieva ka ngritur çështjen për përfshirjen e Bullgarisë në Programin e Shteteve të Bashkuara për udhëtimet pa viza, kurse nga pala amerikane kanë bindur se do të vazhdojnë ta ndihmojnë vendin tonë në procesin e pakësimit të numrit të vizave të refuzuara amerikane për qytetarët bullgarë.

Sipas Zaharievës, një marrëveshje sociale midis Bullgarisë dhe Shteteve të Bashkuara do t’i ndihmojë shumë bullgarët të cilët jetojnë në Shtetet e Bashkuara dhe të cilët janë 400 000. Sekretari i shtetit ka vlerësuar lartë presidencën e parë evropiane të Bullgarisë si dhe përkrahjen e Bullgarisë lidhur me  vendet nga Ballkani Perëndimor.

Zaharieva dhe Pompeo kanë shqyrtuar po kështu partneritetin strategjik në fushën e mbrojtjes dhe planet për modernizimin e forcave të armatosura bullgare, si dhe përpjekjet e Bullgarisë për diversifikimin e burimeve dhe të traseve të furnizimeve energjetike.