Zanetti i kthehet finales së Madridit më 2010: Përvojë e paharrueshme, do ta mbaj mend gjithmonë

Në një intervistë për “Marca”, zëvendëspresidenti i Inter, Javier Zanetti, foli mbi të kaluarën si futbollist, veçanërisht për natën para finales së Champions League të fituar në Madrid më 2010: “‘Nuk kam fjetur shumë. Ishte një mundësi e madhe për ne.

Sidomos për mua, pasi kisha kaluar gjithë jetën tek Interi dhe të mbaja shiritin e kapitenit ishte shumë emocionuese. Për fat fituam ndeshjen dhe ngritëm trofeun. Ishte një përvojë e paharrueshme që do ta mbaj mend gjithmonë”.

A ishte ai, momenti më ikonik i karrierës së tij? “Po. Në Madrid kishte shumë tifozë të Interit dhe kur mbaroi ndeshja, të shihje gjithë Milanon me ngjyrat e skuadrës sonë ishte emocionuese. Kam fjetur pak për shkak të rëndësisë së finales dhe dëshirës për t’i bërë të lumtur tifozët e Interit”.