Zarif: Interesim i madh nga BE për bashkëpunim në të gjitha fushat me Iranin

Agjencia shtetërore iraniane e lajmeve njoftoi se Muhamed Xhavad Zarif të martën pasdite pas përfundimit të vizitës së tij në Bruksel, zhvilloi një konferencë për gazetarë dhe shpjegoi programet e kësaj vizite. Z. Zarif deklaroi: “Pas marrëveshjes bërthamore do të vërejmë një interesim të madhe nga BE për bashkëpunim në të gjitha fushat me Iranin duke përfshirë edhe bashkëpunimet ekonomike politike dhe rajonale. BE përveç se ka treguar interesim për zbatimin e marrëveshjes bërthamore, aktualisht po bënë përpjekje për të zgjeruar bashkëpunimin me Iranin edhe në shumë fusha të tjera ekonomike dhe tregtare, si bashkëpunimi bankar të cilin e kemi diskutuar në takimin me kryetarin e Parlamentit të Evropës dhe në takimin me znj. Mogherini, shefen e diplomacisë evropian”. Ministri i punëve të jashtme të Iranit deklaroi se ekstremizmi, lufta në Jemen dhe Siri, ishin çështje të tjera që janë diskutuar në takimet me funksionarët evropianë. Zarif theksoi se aktualisht është krijuar një fushë për një bashkëpunim më të gjerë me vendet evropiane. Vendet evropiane kanë kuptuar shumë mirë rolin e Iranit në rajon dhe fushën e bashkëpunimeve serioze me Iranin dhe në të ardhmen Irani dhe Evropa do të kenë marrëdhënie shumë të mira.