Zgjedhja e kryeprokurorit/ Berisha bën deklaratën e fortë: Do të djegim mandatet

Sali Berisa tha se opozita nuk do të bojkotojë Parlamentin, por do të djegë mandatet e tyre.

“Dua të sqaroj çdo shqiptar se sot në parlament Edi Rama organizoi një pritë cubash ndaj meje.

Kërkova fjalën për procedurë, por kryetari i Parlametnti më kërkoi që të flisja pas parafolësit, dhe kështu u veprua.

U nisa drejt platformës për të thënë 3 minuta fjalë të miat për procedurë, po Rama urdhëroi mercenarët, shefin e rojeve të Gardës dhe bëri një pritë, gjë e cila nuk ka ndodhur kurrë në historinë e parlamentit.

Pasi kryetari jep fjalën, një “cub”, një fundërrinë pa as një moralitet njerëzor, pa asnjë parim, urdhëron rojet të dalin përpara të më ndalojnë të folurit. Fjalën time e ndaloi Rama, jo Ruçi.

Në këtë parlament të dhunuar në këtë shkallë ekstreme, nuk ka bashkëjetesë, dhe me këtë që bëri sot Rama dhe zgejdhjen e prokurorit të Përgjithshëm, i detyron qytetarët të rrezojnë këtë qeevri.

Mijëra qytetarë kanë ardhur nga gjithë Shqipëria të mbrojnë vendin e tyre, Kushtetutën e tyre.

Në Parlament duhet të ketë vetëm një gjuhë, djegien solemne të mandateve.

S’ka ndodhur kurrë që deputetit t’i ndalohet fjala në Kuvend”, u shpreh Berisha.