Zjarr i madh në Dëllenjë, flakët përfshijnë kallamishtet dhe bimësinë e ulët (VIDEO)

Një zjarr i përmasave të mëdha ka përfshirë pasditen e kësaj të shtune fshatin Dëllenjë, në Njësinë Administrative Qendër, ku flakët kanë djegur një sipërfaqe të konsiderueshme me kallamishte dhe bimësi të ulët.

Zjarri është përhapur pranë aksit rrugor që lidh fshatrat e Novoselës, duke krijuar vështirësi në qarkullimin e automjeteve për shkak të tymit të dendur. Përhapja e flakëve është favorizuar edhe nga temperaturat e larta.

Në vendngjarje ndodhen forcat zjarrfikëse, të cilat po punojnë për të vënë situatën nën kontroll dhe për të parandaluar përhapjen e mëtejshme të zjarrit. Deri më tani nuk raportohet për persona të lënduar apo rrezikim të banesave.