24 persona të vrarë nga bombardimi rus ndaj një qendre ndihmash në Ukrainë (VIDEO)

Të paktën 24 persona u vranë pasi bombat ruse goditën një qendër shpërndarjeje ndihmash, në një sulm që udhëheqësi i Ukrainës e ka quajtur “absolutisht të tmerrshëm”.

Pesë persona u plagosën dhe 27 të tjerë u raportuan fillimisht të zhdukur pasi të paktën nëntë bomba ajrore prej 3,000 kg goditën fshatin Komyshuvakha në rajonin jugor të Zaporizhzhias, tha kreu rajonal Mykhailo Semikin.

Presidenti Volodymyr Zelensky tha se pas sulmit të parë në shkollën lokale “të përdorur për nevoja humanitare”, pati një sulm të dytë në vendin ku njerëzit po strehoheshin.

Ai postoi një video që tregon një krater të madh të lënë pas sulmit të së hënës dhe ekipet e shpëtimit që kërkojnë nëpër rrënoja.

Zelensky fillimisht tha se numri i të vdekurve ishte 18, por shërbimi shtetëror i emergjencave të Ukrainës DSNS më vonë tha se 24 persona, përfshirë dy punonjës shpëtimi dhe katër oficerë policie.

“Rusët nuk mund të mos e dinin se banorët vendas që mbetën në Komyshuvakha merrnin ndihmë humanitare atje çdo javë”, shkroi presidenti ukrainas në një postim në rrjetet sociale.

“Kjo është një tjetër provë se Rusia nuk dëshiron asnjë ulje të tensioneve”, shtoi ai.

Ai tha se pas një operacioni të suksesshëm të përbashkët ruso-ukrainas për të evakuuar civilët nga qyteti jugor i Oleshky-t i pushtuar nga Rusia, “pati një moment kur hapat e ardhshëm mund të tregonin se paqja është e mundur”.

“Me vrasje të tilla, Rusia po dërgon sinjalin krejt të kundërt, Rusia po mbështetet në vrasje të mëtejshme”, tha Zelensky.

Ndërkohë, Semikin e përshkroi sulmin rus si një “tragjedi të tmerrshme” për fshatin, duke konfirmuar se “njerëzit janë ende nën rrënoja”.

Ai tha se ekipet e shpëtimit po punonin në vendngjarje, por u detyruan ta ndërprisnin operacionin e tyre disa herë për shkak të sulmeve me dronë rusë në zonë.

Presidenti rus Vladimir Putin nisi një pushtim në shkallë të plotë të Ukrainës në shkurt të vitit 2022.

An utterly horrific Russian attack on the settlement of Komyshuvakha in the Zaporizhzhia region. Since this morning, the settlement has been hit several times by aerial bombs. The strikes targeted a school used for humanitarian purposes – people were receiving humanitarian aid… pic.twitter.com/T02r0HlNCZ