24 zjarre në hapësira të hapura në 24 orë, një ende nën kontroll

Qendra për Menaxhimin me Kriza njoftoi se në 24 orët e fundit janë regjistruar gjithsej 24 zjarre në hapësira të hapura në territorin e Maqedonisë së Veriut. Të gjitha vatrat janë shuar nga ekipet e zjarrfikësve, përveç njërës, e cila është vënë nën kontroll.

Zjarri që mbetet nën kontroll ndodhet në territorin e komunave Makedonski Brod dhe Sopište. Flakët kanë djegur pyll të ulët dhe pyll të përzier në rajonin e fshatit Belicë, në vendin e quajtur “Kajorec” në Makedonski Brod, ndërsa zjarri është përhapur drejt Jasenit në komunën e Sopištes.

Sipas autoriteteve, të gjitha zjarret e tjera të regjistruara gjatë ditës janë lokalizuar dhe shuar me sukses, falë ndërhyrjes së shpejtë të ekipeve zjarrfikëse në terren.

Burimi: MIA