Abissnet Superiore: Edlir Tetova shpallet trajneri i muajit shtator

Edlir Tetova është përzgjedhur trajneri i muajit shtator në kampionatin “Abissnet Superiore” nga Drejtoria Teknike e FSHF.

Gjatë muajit shtator, Teuta regjistroi tri fitore në tri ndeshjet e zhvilluara, duke siguruar rezultate pozitive dhe duke u renditur në krye të kampionatit me 13 pikë.

Çmimi iu dorëzua trajnerit Tetova nga Drejtori Teknik i FSHF-së, Abdyl Kuriu.

Në një prononcim për faqen zyrtare të Federatës Shqiptare të Futbollit, Edlir Tetova u shpreh i lumtur për këtë vlerësim, duke ia dedikuar arritjen stafit teknik dhe lojtarëve, të cilët i konsideroi pjesën më të rëndësishme të këtij suksesi.

“Sigurisht që është një arritje për mua personalisht, por mbi të gjitha edhe për klubin. Pjesëmarrësit më të afërt janë stafi dhe lojtarët, sepse pa ta kjo nuk do të ishte e mundur. Kështu që dedikimi është për stafin dhe lojtarët”, – tha Tetova.

Ende nuk ka komente. Bëhuni i pari që komenton.