Aksident i rëndë në Peshkopi-Maqellarë, 6 të plagosur

Gjashtë persona kanë mbetur të plagosur në një aksident të ndodhur mesditën e së hënës në Dibër. Policia tha se aksidenti ndodhi rreth orës 12:30, në

Gjashtë persona kanë mbetur të plagosur në një aksident të ndodhur mesditën e së hënës në Dibër.

Policia tha se aksidenti ndodhi rreth orës 12:30, në aksin rrugor Peshkopi-Maqellarë, janë përfshirë në një aksident rrugor automjeti me drejtues shtetasin T.N., 65 vjeç, dhe automjeti me drejtues shtetasin I.H., 33 vjeç.

Si pasojë e aksidentit, kanë mbetur të lënduar dy drejtuesit e mjeteve dhe katër pasagjerë që udhëtonin me to, të cilët po marrin ndihmë mjekësore në spital dhe ndodhen jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.