Aksident në Damjan të Tiranës, automjeti përplas për vdekje një këmbësor

Një aksident me pasojë vdekjen ka ndodhur në fshatin Damjan, në Tiranë, ku një këmbësor ka humbur jetën pasi është përplasur nga një automjet.

Sipas policisë, më datë 18.05.2026, në rrugën e fshatit Damjan, automjeti me drejtues shtetasin Oltjan Karaj, 26 vjeç, ka përplasur këmbësorin Besnik Ago, 57 vjeç.

57-vjeçari Ago është transportuar në spital, por nuk ka mundur ti mbijetojë plagëve të marra

Ndërkohë, drejtuesi i automjetit është arrestuar nga policia ndërsa materialet procedurale i janë referuar prokurorisë për veprime të mëtejshme.