Aksident në Zagoriç të Podgoricës, tre persona të lënduar dërgohen në Qendrën Urgjente

Tre persona u lënduan në një aksident trafiku që ndodhi sonte rreth orës 21:00 në lagjen Zagoriç të Podgoricës, në rrugën Nikolla Teslla, siç njofton CdM duke iu referuar policisë.

Sipas policisë, të lënduarit pas aksidentit u dërguan për trajtim në Qendrën Urgjente. CdM nuk jep hollësi të tjera për gjendjen e tyre shëndetësore, as për rrethanat se si ndodhi përplasja.

Pas aksidentit, rruga Nikolla Teslla u mbyll për qarkullim. Nuk është njoftuar ende se kur rruga është rihapur për automjetet.