Aksident rrugor në Vlorë, mbeten të plagosura dy vajza

Një aksident rrugor është regjistruar këtë të hënë në Vlorë, ku janë përfshirë dy automjete. Si pasojë e përplasjes, mjetet kanë pësuar dëme të konsiderueshme materiale, ndërsa në vendngjarje kanë mbërritur shërbimet e Policisë Rrugore për të kryer veprimet procedurale dhe për të sqaruar shkaqet e aksidentit.

Nga informacionet paraprake raportohet për persona me lëndime të rënda. Mësohet se të plagosura kanë mbetur dy vajza të cilat janë dërguar drejt spitalit për ndihmë mjekësore.