Alex Ferguson në spital para ndeshjes së United, reagon Carrick: Uroj që kjo fitore t’i japë një shtysë

Ish-trajneri legjendar i Manchester United, sir.Alex Ferguson, u dërgua në spital si masë paraprake para ndeshjes që “djajtë e kuq” luajtën dhe fituan 3-2 ndaj Liverpool të dielën pasdite.

84-vjeçari u dërgua në spital si masë paraprake dhe nuk besohet të jetë serioze. Ai ishte në fushë para se të niste ndeshja. Mësohet se ai është dërguar në spital më shumë se një orë para fillimit të ndeshjes.

Më pas, ai është dërguar në shtëpi për t’u rikuperuar. Trajneri i Manchester United, Michael Carrick, për këtë problem tha: “E dëgjova atë që i ndodhi para ndeshjes, kështu që isha në dijeni”.

“E tëra çfarë mund të them është se i uroj më të mirën. Jam shumë i prekur nga ky lajm dhe shpresoj që të jetë mirë. Thjesht nuk di të rejat e fundit, por shpresojmë që ai të jetë në formë të mirë dhe i urojmë gjithë të mirat”, tha Carrick.

“Ne mendojmë se shpresojmë që rezultati, kur ai ta dëgjojë, mund t’i japë një shtysë“, deklaroi trajneri i “djajve të kuq”.