Ambasada amerikane në Shkup: Dënojmë dhunën, do të punojmë me Kryetarin e zgjedhur Talat Xhaferin

Dhunën në Kuvend e ka dënuar ashpër edhe ambasada amerikane në Shkup, prej ku kanë thënë se ajo nuk është në pajtueshmëri me demokracinë dhe nuk është mënyrë e pranueshme për të zgjidhur dallimet.

“Është e rëndësishme që të gjitha partitë të respektojnë proceset demokratike dhe ligjin dhe të përmbahen nga aktet e dhunës e cila përkeqëson situatën. Shumica e deputëtëve kanë zgjedhur Talat Xhaferin për kryetar të Kuvendit gjatë seancës së rregullt parlamentare, ku kanë qenë dëshmitarë deputetët dhe mediat. Ne do të punojmë me të për të mbështetur demokracinë dhe për të avancuar interesat e Maqedonisë”, kanë thënë nga ambasada amerikane.