Anna Faris thyen heshtjen për Cameron Diaz: Më kanë bezdisur këto akuza

Aktorja e njohur Anna Faris ka vendosur më në fund të sqarojë një nga thashethemet më të përfolura të karrierës së saj, lidhur me filmin “Lost in Translation” të vitit 2003.

Për vite me radhë, fansat dhe mediat kanë spekuluar se personazhi i saj, Kelly – një aktore sipërfaqësore dhe e famshme – ishte frymëzuar nga Cameron Diaz. Megjithatë, Faris ka mohuar kategorikisht këtë teori.

Gjatë një interviste në podcastin “Happy Sad Confused”, aktorja tha se gjithmonë është ndier e bezdisur nga këto pretendime.

“Më ka bezdisur gjithmonë kjo akuzë. Ndihesha sikur po i hiqte diçka interpretimit tim, sepse unë e fitova atë rol përmes audicionit dhe e ndërtova vetë personazhin”, u shpreh Faris.

Ajo shtoi se nuk ka qenë kurrë pjesë e ndonjë përpjekjeje për të tallur apo sulmuar një aktore tjetër.

“Nuk kam qenë pjesë e ndonjë sabotimi të çuditshëm”, tha ajo.

Faris kujtoi gjithashtu se Cameron Diaz kishte qenë e ftuar në podcastin e saj në vitin 2021, pasi kishte lexuar raportime se aktorja ishte ndier e lënduar nga krahasimet e vazhdueshme.

Megjithatë, ajo pranoi se nuk pati guximin ta diskutonte hapur çështjen as me regjisoren Sofia Coppola dhe as me vetë Cameron Diaz.

“Kam pasur vetëm 25 minuta me Cameron. Nuk e dija nëse duhej të filloja menjëherë duke thënë: ‘Më vjen keq, nuk po përpiqesha të bëja këtë’”, tregoi ajo.

Deklaratat e Faris vijnë në prag të publikimit të filmit të saj më të ri, “Scary Movie 6”. Në premierën e filmit, aktorja u shfaq në një dalje të rrallë publike me djalin e saj 13-vjeçar, Jack.