Arsenal bën lëvizjet e para në merkato, konfirmon shitjen e mbrojtësit dhe bëhet gati të largojë portierin

Arsenal ka konfirmuar shitjen e mbrojtësit Jakub Kiwior te Porto me një marrëveshje të përhershme. Mbrojtësi polak ishte në huazim te klubi portugez edhe sezonin e kaluar.

Porto ka rënë dakord të paguajë 19 milionë paund për ta bërë marrëveshjen të përhershme. Kjo lëvizje u bë pasi Arsenal njoftoi nënshkrimin e përhershëm të Piero Hincapie më parë me një marrëveshje prej 34.5 milionë paundësh.

Edhe e ardhmja e Kepa Arrizabalaga tek Arsenal nuk është plotësisht e sigurt. Portieri spanjoll është i hapur ndaj idesë së një sfide të re, si numri një në klubin e duhur.

Ai nuk ka nxitim për t’u larguar, por nëse vjen diçka e përshtatshme që është e duhura profesionalisht dhe personalisht për familjen e tij, ai mund ta marrë në konsideratë.

Në rast se Kepa do të largohet, Arsenal po mban nën vëzhgim ish-portierin e Leeds, Illan Meslier. Ai është një lojtar i lirë pasi kontrata e tij me Leeds skadoi.