Arteta: Për disa orë mund të festojmë dhe shijojmë këtë titull, i lumtur kur shoh tifozët të gëzuar

Pasi e riktheu Arsenal përsëri në krye të Anglisë, trajneri Mikel Arteta i shprehu emocionet e tij, duke festuar titullin e Premier League me tifozët. Një moment historik që tifozët e kishin pritur prej 22 vitesh.

Trajneri spanjoll theksoi se suksesi i “Topçinjve” është rezultat i një udhëtimi të gjatë dhe shpesh të ndërlikuar, i shënuar nga momente të vështira, por edhe nga një forcë e jashtëzakonshme kolektive.

“Është diçka e mrekullueshme. Shikoni lumturinë e njerëzve në tribuna: ata e kanë pritur këtë moment për një kohë të gjatë. Edhe ne kemi kaluar kohë të vështira gjatë rrugës, por kur shihni një reagim si ky, e kuptoni se çdo sakrificë ia ka vlejtur“, tha Arteta.

Trajneri më pas pranoi se donte ta linte mënjanë përkohësisht rolin e tij si trajner për të shijuar plotësisht festimet me ekipin dhe tifozët: “Tani është koha të argëtohemi dhe të shijojmë atë që kemi arritur. Mund ta heq kapelen e trajnerit për disa orë”.

Sipas Arteta, një nga faktorët vendimtarë në garën për titull ishte forca e grupit: “Ekipi tregoi lidhje të jashtëzakonshme, përkushtim të madh dhe shumë guxim. Çdo gjë përreth nesh na dha motivim të mëtejshëm për të arritur këtë qëllim.”