AUSTRI – Shtëpia e lindjes së Hitlerit shndërrohet në komisariat policie

VJENË, 22 korrik /ATSH-DPA/ – Shtëpia e lindjes së Adolf Hitlerit, në qytetin austriak Braunau am Inn, do të hapet sot si komisariat policie, pas disa vitesh rinovimi, në një veprim që synon të parandalojë që ndërtesa në kufirin me Bavarinë të vazhdojë të tërheqë neonazistët.

Rinovimi kushtoi rreth 20 milionë euro (22,8 milionë dollarë).

Sipas planeve, oficerë nga komanda e policisë së rrethit dhe inspektorati lokal i policisë do të vendosen në kompleks, i cili përfshin ndërtesa ndihmëse dhe një oborr.

Shtëpia ku lindi Hitleri më 20 prill 1889, ishte prej kohësh në pronësi private.

Në vitin 2017, ndërtesa u shpronësua pas një mosmarrëveshjeje ligjore.

Një komision ekspertësh përjashtoi prishjen dhe shndërrimin në muze, duke rekomanduar në vend të kësaj një ridizajnim që do ta bënte ndërtesën sa më të vështirë për t’u njohur.

Ajo ka tërhequr vazhdimisht ekstremistë të ekstremit të djathtë.

Shteti gjithashtu e konsideron përdorimin e ri si komisariat policie si të favorshëm sepse individët e dyshimtë mund të kontrollohen menjëherë në vend.

Hitleri nisi Luftën e Dytë Botërore, në të cilën vdiqën të paktën 60 milionë njerëz./ a.jor.