Basketboll djem/ Besëlidhja shpallet kampione e Shqipërisë

Besëlidhja ka mposhtur Tiranën me rezultatin 103-84 në finalen e tretë dhe është shpallur kampione e Shqipërisë në basketboll për djem për sezonin 2025-2026.

Lezhjanët kanë dominuar serinë e finaleve, duke fituar me rezultatin e pastër 3-0 përballë bardhebluve.

Finalja e tretë e transmetuar drejtpërdrejt në RTSH Sport ka qenë e bukur dhe e luftuar. skuadra e Afrim Bilalit ka fituar periodën e parë 24-23 dhe ka mbyllur pjesën e parë në avantazh të 5 pikëve (54-49). Tirana mundohet të reagojë në pjesën e dytë. Perioda e tretë është e luftuar dhe mbyllet në barazim 21-21. Besëlidhja dominon periodën e katërt dhe fiton gjithë takim me rezultatin 103-84.

Lezhjanët shpallen kampionë të Shqipërisë për të tretin sezon radhazi. Këtë vit Besëlidhja ka fituar edhe Kupën dhe Superkupën e Shqipërisë.