Basketboll vajza/ Flamurtari fiton Superkupën e Shqipërisë

Flamurtari ka fituar Superkupën e Shqipërisë në basketboll për vajza. Vlonjatet kanë mposhtur Tiranën me rezultatin 84-74 në finalen që u zhvillua në Parkun Olimpik “Feti Borova” dhe u transmetua drejtpërdrejt në RTSH Sport.

Flamurtari nis më mirë ndeshjen dhe fiton periodën e parë me rezultatin 25-21. Vlonjatet mbyllin pjesën e parë në avantazh 54-39.

Tirana mundohet të reagojë në pjesën e dytë, fiton periodën e tretë 21-17 dhe të katërtën 14-13, por nuk arrin që të përmbysë avantazhin e krijuar në pjesën e parë nga vajzat vlonjate.

Pas Kupës së Federatës së fituar pak ditë më parë, Flamurtari fiton edhe Superkupën e Shqipërisë, duke treguar se mbetet skuadra për tu mundur këtë sezon në basketbollin e vajzave.

Ende nuk ka komente. Bëhuni i pari që komenton.