Bayern lë pas zhgënjimin në Champions dhe “fundos” Wolfsburg-un. Kane gabon penalltinë e 25-të

Bayern Munich ka lënë pas zhgënjimin në mesajvë ku u eliminua nga PSG në gjysmëfinalet e Champions League. Bavarezët kanë fituar 0-1 në transfertën ndaj Wolfsburg, në javën e parafundit në Bundesligë.

Në minutën e 36-të, pas 24 penalltive rresht të shndërruara në gol në Bundesligë, Harry Kane gabon në penalltinë e 25-të. Pjesa e parë mbyllet 0-0. Sfida u zhbllokua në minutën e 56-të, ku ishte i zakonshmi Michael Olise i cili shënoi një gol shumë të bukur me një goditje fantastike në kufijtë e zonës së rreptësisë.

Rezultati nuk ndryshon deri në fund. Bayern fiton 0-1. Wolfsburg renditet në vendin e 16-të me 26 pikë dhe javën tjetër ka finalen me St. Pauli. Ekipi që fiton në këtë takim do të shkojë në play-out. Ekipi që humb i bashkohet Heidenheim në Bundesliga 2.