Begaj pret Shefin e Shtabit të Përgjithshëm të RMV-së: Koordinim rajonal përballë sfidave të sigurisë

Presidenti i Republikës, Bajram Begaj, priti sot në 12 maj Shefin e Shtabit të Përgjithshëm të Republikës së Maqedonisë së Veriut, Gjeneral Major Sashko Lafchiski.

Takimi u fokusua në forcimin e bashkëpunimit në fushën e mbrojtjes dhe sigurisë mes dy vendeve fqinje, aleate në NATO, si dhe në rëndësinë e koordinimit rajonal përballë sfidave të sigurisë.

Kreu i Shtetit vlerësoi kontributin e Maqedonisë së Veriut në misionet e NATO-s.

Në kushtet e dinamikave të reja gjeopolitike, Presidenti i Republikës nënvizoi domosdoshmërinë e rritjes së investimeve në siguri dhe mbrojtje, investimin për Korridorin VIII. Këtë të fundit e cilësoi si të një rëndësie strategjike për rajonin dhe Aleancën, si dhe shtimin e kontributeve në mbrojtjen kolektive.