Beogradi do të tërheqë më shumë turistë kinezë

Beogradi do të marrë një sërë masash kundrejt tregut turistik, që të tërheqë sa më shumë turistë kinezë. Panairi i 38-të Ndërkombëtar i Turizmit i Beogradit u zhvillua nga datat 18 deri më 21 shkurt. Gjatë ceremonisë së hapjes, u transmetua një video 30 sekonda në gjuhën kineze nga aktori i famshëm Velimir ‘Bata’ Zivojinoviç, që luajti rolin e Valther në filmin “Valther mbron Sarajevën”, i cili është shumë i njohur për audiencën kinezë.

Gjatë një inverviste për Agjencinë kineze të lajmeve Hsinhua, drejtori i Drejtorisë së Turizmit të Beogradit Miodrag Popoviç tha se Kina është një nga tregjet më të rëndësishme turistike dhe Serbia shpreson të marrë pjesë në të. “Afro 20 milionë turistë kinezë vizitojnë Evropën në vit dhe sikur një pjesë e vogël e tyre të vijnë në Serbi, është një domethënie shumë e madhe për ne”, tha Popoviç.

Në vitin 2015, Serbia priti 1.13 milionë turistë të huaj dhe vetëm 1.3% e tyre ishin kinez. Sipas Popoviçit, në vitet e ardhshëm qeveria serbe do të forcojë infrastrukturën, stacionet e trenit, portet përgjatë lumit Sava etj. Ai shprehu besim se këto investime do të jenë në favor të zhvillimit të turizmit dhe të punësimit.