Berisha kundër krijimit të ADS-së: Miniera e floririt e Ramës! S’ka ligj e VKM që i përcakton veprimtarinë

Kryetari i Partisë Demokratike Sali Berisha, po zhvillon këtë të martë një konferencë me gazetarët në selinë blu, ku po denoncon shoqërinë e re shtetërore, Albanian Digital Solution (ADS).

“Jam sot për të denoncuar para shqiptarëve kopshtin e ri privat, minierën e floririt të familjes Rama apo AKSHI-n me një emër të ri, Albanian Digital Solutions. E gjithë mafia e IT e ka në emërtimin e kompanisë fjalën solutions. Të gjitha kompanitë, me solution janë nja 35 kompani.

Për ngritjen e ADS-së, minierës të floririt të Edi Ramës, nuk ka një vendim të Këshillit të Ministrave, i cili do pasqyronte qartë kompetencat e këtij institucioni. Është një mënyrë e gjetur për të kanalizuar fondet drejt kompanive të baxhos apo të kunatit të Lindës së Surrelit pa asnjë mekanizëm kontrolli si në rastin e kompanisë KAYO të famozit KAYO, vetëm se këtu skandali duket se thellohet shumë më tepër.

Siç thamë më lart, për ADS-në nuk ka asnjë ligj dhe vendim qeverie që të përcaktojë veprimtarinë e saj. Të gjitha i janë lënë në dorë aksionarit kryesor të saj, AKSHI-t të Lindave famëzeza. I vetmi VKM për këtë qëllim është ai i datës 20 maj 2026, i cili flet për miratimin e fondit prej 7 milionë eurosh në favor të ADS. Ky vendim ka ardhur rreth 15 ditë pas regjistrimit të kompanisë shtetërore në QKB”, deklaroi Berisha.

Sipas tij, e vetmja VKM nuk përcakton objektin e veprimtarisë, nuk krijon as vetë shoqërinë, nuk miraton statutin, nuk përcakton kompetencat dhe mbi të gjitha, nuk shpjegon marrëdhënien me AKSHI-n.

Berisha shton: “E kuptoni, një vendim që nuk flet për asnjë për këto përcaktime, por vetëm t’i dhurojmë 7 milionë euro.”

Lajmi në përditësim...

/tvklan.al