Berisha niset për në SHBA: Ndjesi ndryshe, më kujton udhëtimin e parë!

Lideri i Partisë Demokratike, Sali Berisha, niset për në Shtetet e Bashkuara të Amerikës pas heqjes së non-gratës.

Berisha e ka cilësuar këtë vizitë si një moment të rëndësishëm politik, duke shprehur bindjen se mbështetja amerikane do të jetë vendimtare për zhvillimet politike në Shqipëri.

“Kjo prani dëshmon se ju e parandieni që ky për Shqipërinë është udhëtimi i viteve.

Dhe unë kam shumë kënaqësi që sot nisem për në Shtetet e Bashkuara, po me atë bindje si në mars të vitit 1991.

Se vendi i madh i lirisë do mbështesë Shqipërinë dhe shqiptarët në përpjekjen e tyre për t’u çliruar nga diktatura autoritare e bazuar në drogën, krimin, dhe vjedhjen e shqiptarëve të Edi Ramës, regjimit të narkoshtetit.

Edhe një herë, edhe një herë, nuk ka asgjë personale. Thashë dhe një herë, prania juaj këtu dëshmon se ju e ndjeni që ky është udhëtimi i viteve për Shqipërinë.

Kurse në rrafshin tim, unë shkoj dhe takoj miqtë e mi të cilëve u them: unë erdha, erdha”, u shpreh Berisha.

I pyetur nëse po udhëtonte me biletën e biznes apo ekonomik class, Berisha nuk preferoi të përgjigjej: “Faleminderit shumë. Faleminderit dhe mirupafshim”.