Biblioteka e Fëmijëve “Thoma Turtulli” në Korçë pajiset me teknologji bashkëkohore

Biblioteka e Fëmijëve “Thoma Turtulli” në Korçë ka përfunduar pajisjen me teknologjinë dhe elementët e nevojshëm, duke u shndërruar në një hapësirë moderne dhe funksionale për fëmijët.

Hapësira e rikonstruktuar dhe e pajisur është tashmë gati për të mirëpritur fëmijët e qytetit, duke u ofruar një mjedis të ngrohtë dhe të përshtatshëm për lexim, mësim dhe aktivitete të ndryshme me librin.

Investimi synon të afrojë më shumë fëmijët me librin dhe leximin, duke krijuar një ambient bashkëkohor ku ata mund të kalojnë kohë cilësore dhe të zhvillojnë interesin për kulturën dhe dijen.