Bisedimet për paqen në Ukrainë, Zelensky: SHBA dhe Evropa në diskutime të përbashkëta, në Berlin do të përcaktohen hapat konkretë për vijimin e negociatave me Rusinë
Zelensky njofton se pas bisedës në nivel ekipesh mes Ukrainës, SHBA-së dhe Evropës, në Berlin do të hartohen hapat konkretë të përbashkët për vijimin e negociatave me Rusinë.
Presidenti ukrainas Volodymyr Zelensky ka deklaruar se procesi diplomatik për t’i dhënë fund luftës po vazhdon në mënyrë aktive dhe se Ukraina po punon në mënyrë konstruktive për një përfundim të dinjitetshëm të luftës, të shoqëruar me garanci sigurie për vendin, siç njofton Shqiptarja.com.
Sipas njoftimit, një tjetër bisedë u zhvillua në nivel ekipesh brenda grupit negociator mes Ukrainës, Shteteve të Bashkuara të Amerikës dhe Evropës. Në bisedën online morën pjesë përfaqësuesit amerikanë Steve Witkoff dhe Jared Kushner.
Evropa, për herë të parë në këtë format, u përfaqësua në tërësinë e saj: Franca, Gjermania, Mbretëria e Bashkuar, Italia, Polonia, institucionet e Bashkimit Evropian (Komisioni Evropian dhe Këshilli i Evropës, siç raportohet) si dhe një përfaqësues i NATO-s — vendet dhe institucionet që do ta përfaqësojnë Ukrainën në negociatat me rusët.
Zelensky tha se biseda nuk ishte e lehtë, por prodhoi një rezultat: në Berlin, në kuadër të Koalicionit të të Gatshmëve, palët do të takohen për të hartuar hapat konkretë të përbashkët në procesin e negociatave.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.