BOTËRORI 2026 – Angli–Norvegji, betejë për gjysmëfinalen: Ekspertët zbulojnë çelësin e ndeshjes

– Norvegjia ka qenë një nga surprizat pozitive të Kupës së Botës 2026, shkruan BBC.

Pas vendit të dytë në grup, ajo eliminoi Bregun e Fildishtë dhe Brazilin, duke shënuar 12 gola në pesë ndeshje.

Tashmë përballet me Anglinë, e cila synon të gjejë mënyrën për të ndalur sulmuesin kryesor të norvegjezëve, Erling Haaland, dhe të sigurojë kualifikimin në gjysmëfinale.

Pikat më të forta të Norvegjisë

• Norvegjia ndërton sulmet që nga portieri Ørjan Nyland, i cili është shumë i saktë në pasime.
• Kur nuk ka mundësi të luajë me pasime të shkurtra, ai dërgon topin drejt sulmuesit të gjatë Alexander Sørloth, i cili fiton shpesh duelet ajrore dhe krijon raste për ekipin.
• Në organizimin e lojës ka rol vendimtar edhe Martin Ødegaard, i cili kontrollon ritmin e ndeshjes dhe shpërndan topat për shokët e skuadrës.

Si mund ta ndalë Anglia?

Sipas analizës, trajneri Thomas Tuchel ka disa alternativa:

• të ushtrojë presion të lartë për të mos lejuar Norvegjinë të ndërtojë aksionet nga mbrojtja;
• të detyrojë portierin Nyland të luajë topa të gjatë, ku mbrojtësit anglezë mund të kenë më shumë mundësi t’i fitojnë;
• të mbajë gjithmonë dy mbrojtës pranë Haaland, për të mos e lënë vetëm përballë portës.

Si mund të ndalet Haaland?

Ekspertët vlerësojnë se Haaland mund të neutralizohet duke i kufizuar pasimet që merr nga bashkëlojtarët

Norvegjia krijon shumicën e rasteve nga krahët, me krosime drejt zonës, ku Haaland është shumë i rrezikshëm me lojën në ajër.

Për këtë arsye, Anglia duhet:

• të bllokojë krosimet nga krahët;
• të mbajë gjithmonë më shumë se një lojtar pranë Haaland;
• të mos i lejojë hapësira brenda zonës.

Si mund të shënojë Anglia?

Analiza sugjeron se arma më e mirë e Anglisë është mbajtja e topit dhe kontrolli i lojës.

Nëse Anglia arrin ta detyrojë Norvegjinë të mbrohet, mund të krijojë raste nga krahët dhe të shfrytëzojë kundërsulmet e shpejta, pasi Norvegjia lë shpesh hapësira kur sulmon.

Lojtarë si Jude Bellingham, Declan Rice, Anthony Gordon dhe Noni Madueke mund të jenë vendimtarë në këto situata.

Sipas analizës, nëse Anglia arrin të kufizojë hapësirat për Haaland, të ndërpresë organizimin e lojës së Norvegjisë dhe të dominojë zotërimin e topit, do të ketë shanse më të mëdha për të siguruar kualifikimin në gjysmëfinale. /