Botërori 2026/ Koeman largohet nga kombëtarja për t’i qëndruar pranë bashkëshortes, Slot kandidat për ta zëvendësuar

Trajneri i Holandës, Ronald Koeman, njoftoi dorëheqjen e tij pas eliminimit të ekipit të tij nga Kupa e Botës nga Maroku në raundin e 1/16-ave.

Ndeshja e Monterrey ka qenë e fundit për Koeaman në stolin e pankinës së “Tulipanëve”.

“Mbrëmë mora vendimin për t’i dhënë fund mandatit tim si trajner i ekipit kombëtar të Holandës”, tha Koeman. “Të gjithë ne ndanim ëndrrën për të bërë histori në këtë Kupë Bote, por nuk e arritëm. Askush nuk është më i zhgënjyer se unë. Si trajner, përgjegjësia përfundimtare është e imja”, vazhdoi 63-vjeçari.

Koeman iu referua problemeve shëndetësore të gruas së tij, Bartina, e cila u diagnostikua me kancer në gji. “Vitet e fundit më kanë bërë të kuptoj edhe një herë se ka gjëra më të rëndësishme se futbolli”, tha ai. “Futbolli ka qenë jeta ime, por shëndeti është i paçmuar. Kur dikush që e doni lufton një betejë të vështirë, perspektiva juaj ndryshon”, shkroi Koeman. Sipas medieve holandeze kandidati numër një për ta zëvendësuar është Arne Slot.