BOTËRORI – Princi William: Mbreti Charles III e urren futbollin

LONDËR, 3 korrik /ATSH-DPA/ – Princi i Uellsit, William, ka bërë të ditur se dashuria e tij për futbollin nuk është trashëguar nga babai i tij, Charles III.

“Absolutisht jo. Babai im e urren futbollin”, tha William gjatë podcast-it amerikan “New Heights”, të drejtuar nga ish-yjet e NFL-së, Travis Kelce dhe Jason Kelce.

William, tifoz i zjarrtë i “Aston Villa F.C.”, tregoi se pasioni i tij për futbollin lindi falë shokëve të shkollës, të cilët e çuan për herë të parë në stadium.

Ai kujtoi se ndeshja e parë që ndoqi ishte në vitin 2000 mes “Aston Villa F.C.” dhe “Bolton Wanderers F.C.”, ku luante edhe ish-trajneri i Anglisë, Gareth Southgate.

Si patron mbretëror i “The Football Association”, William ndjek rregullisht ndeshjet e kombëtares angleze.

Ai tha me humor se një Botëror i suksesshëm për Anglinë do të ishte “ta fitojë atë”, duke shtuar se do të udhëtonte patjetër në SHBA nëse Anglia arrin finalen e 19 korrikut në East Rutherford.

Princi vlerësoi edhe trajnerin gjerman të Anglisë, Thomas Tuchel, duke thënë se ai u ka dhënë lojtarëve më shumë liri dhe rrjedhshmëri në lojë krahasuar me paraardhësin e tij, Southgate. /Ad.Ab./ a.jor.