Brandon Sklenar gjuet kriminelët në trailer-in e parë të «The Rescue»

Paramount Pictures, në bashkëpunim me Spyglass Media Group, publikoi më 25 shtator trailer-in zyrtar të parë të filmit «The Rescue», një thriller aksion me shije western që pritet të jetë një nga titujt më të fortë të fillimit të vitit 2027.

Në qendër të historisë është Brandon Sklenar — i njohur për rolin e Spencer Dutton në serialin «1923», si dhe për filmat «The Housemaid» dhe «Drop». Sklenar luan një ish-kalorës rodeoje, jeta e qetë e të cilit përmbyset kur vajza e tij rrëmbehet për shpërblim. I vendosur ta gjejë me çdo kusht, ai niset në një udhëtim të rrezikshëm përgjatë rrugëve të egra, me qenin besnik të vajzës në krah.

Trailer-i i parë premton sekuenca intensive aksioni, përndjekje dhe një betejë të pamëshirshme kundër kriminelëve, duke e pozicionuar filmin si një western modern me ritëm të lartë. Pas kamerës qëndron Potsy Ponciroli («Old Henry», «Motor City», «Greedy People»), ndërsa skenari mban firmën e John Fusco-s, autorit të klasikëve «Young Guns» dhe «The Highwaymen».

Përkrah Sklenar luajnë edhe Josh Lucas, Hassie Harrison, Lorelei Olivia Mote, Nick Searcy, Austin Amelio, Spencer Treat Clark, Tim Blake Nelson dhe Josh Duhamel.

«The Rescue» do të dalë ekskluzivisht në kinema më 29 janar 2027.

Burimi: TheWrap