Bregu: Ulje e tarifave të roaming-ut BE-Ballkani Perëndimor në 2023
Sekretarja e Përgjithshme e Këshillit të Bashkëpunimit Rajonal (RCC), Majlinda Bregu, Olivér Várhelyi, Komisioneri i BE-së për Fqinjësinë dhe Zgjerimin dhe Thierry Breton, Komisioneri i Tregut të Brendshëm të BE-së zhvilluan sot një takim me operatorët celularë në Bashkimin Evropian (BE) dhe Ballkanin Perëndimor (BP), për të diskutuar mbi uljen e tarifave të roaming midis BE-së dhe rajonin tonë.
Lajmi bëhet i ditur nga Bregu nëpërmjet një postimi në rrjetet sociale e cila thekson po vijohet me episodin e dytë të procesit të roaming-ut pas suksesit në zbatimin e “Fol si n’shpi” të uljes së tarifave celulare.
Sipas saj, qëllimi është vazhdimi i procesit dhe ndërmarrja e hapave konkret për të nisur uljen e tarifave të roaming-ut ndërmjet BE-së dhe vendeve të Ballkanit Perëndimor në vitin 2023.
Ndërsa brenda vitit 2027, shton ajo, synohet që të mos ketë asnjë tarifë shtesë në roaming.
“Aspak e lehtë, por shpresoj që qytetarët dhe bizneset të kenë mundësi të flasin me tarifa të reduktuara në Europë, duke filluar nga vera e ardhshme. Ndërsa brenda vitit 2027 të mos kemi asnjë tarifë shtesë në roaming “, deklaron Bregu.
